Contrat de Mariage
ainsi que l'annulation
Pierre Delavoye - Anne Françoise Richard
24 décembre 1669
Notaire Romain Becquet

cliquez ici pour voir copie de l'acte

Pardevant Romain Becquet not're
furent pr&eaute'tes en leurs personnes pierre delavoye
habittant demeurant en la seigneurie de St Anges veuf
d'une part; & Anne francoise richard fille de
deffunt Nicolas Richard et de feue magdeleine fournier
ses pere et mere de la ville et evesche d'Orleans ...
... Lesquels de leur bons gres et
vollonte et du consentement de leurs
parents et amis pour ce assembles
scavoir du sieur Charles lavigne
soldat de la garnison du fort de Saint
Louis de Quebecq.


Ont fait les accords et promesses de maraige qui
ensuivent Cest assavoir que led delavoix a promis
et promet prendre pour sa femme et legisitime espouse ladite
Richard comme aussy elle promet prendre pour son mary
et legitime espoux ledit delavoix, Iceluy mariage
faire sollemniser en face de notre mere Ste Esglise
catolique apostholique et romaine le plustost que faire
ce pourra et qui sera advise et ... entreux leurs dits
parents et amis sy Dieu et nostre mere Ste Esglise
y consentent et ... pour estre lesdits futurs conjoints
un et commun en tous biens meubles acquets et
conquets immeubles du jour de les espousailles
a ladvenir suivant la coustume de Paris. Ne seront
lesdits futurs conjoints tenus aux debtes issues
lun lautre faites et crees avant le mariage ains sy
aucunes y a seront payees et acquittees par celluy
qui les aura faites et crees sur son bien. Sera
doue lad. future espouse du douaire coustumier
... de trois cents livres tournois
de douaire prefix pour iceluy faire payer etc au choix
de ladite future espouse iceluy douaire a prendre
ce acceptant .. ... des biens
dudit future espoux qui y a des apresent charges
et hipotheques. Et a led futur espoux pris ladite
future espouse avec tous ses droits nom et
raisons et actions quelle a de present et qui luy
pourront eschoir... transport ... soit par
donation que autrement. Et a ledit futurs
espoux recognu et convesse que ladite future
espouse luy a apporte la somme de deux cent livres
dont la moittie entrera en la communaute et lautre
moitte luy servira nature de propre a elle
et ses freres de son coste et ligne ... la
somme de cinqte livres que sa majeste luy a
douee. en consideration de son mariage pour luy
servir aussy nature de rpopre a elle et aux siens
de son coste et ligne. Car ainsy & promettant
obligeant chacun en droit ... & renonceant
faict et passe audit Quebecq estude dud no're
lan gb soixante neuf le vingt quatre'me
jour de decembre apres midy en presence de Jean
Baptiste Gosset et de nicolas Labbe demeurant
audit Quebecq a ce present qui ont signe ...
avec led futur espoux avec no're. Et a lad.
future espouse declare ne scavoir escrire ny
signer de ce enquis suivant lordonnance.

p delavoy

philippe Louisigner
nicollas labbe Gosset

Becquet no're

Et advenant ce jour'huy cinq'e jour de janvier ont ...
sont comparu en le ... ledit delavoix et anne francoise Richard ...
... lesquels de leur bons gres et vollonte et sans aucunes force ny
contrainte ont recognu et confesse et confesse le contrat de mariage ...
entreux nil et comme nulle et ... quittent lun lautre sans avoir
... ... Car ainsy & promettant & obligeant & renonceant & fait
et passe audit Quebecq estude dud no're en presence de jean baptiste gosset et
rene petit dem't audit Quebecq tesmoins qui ont signe avec led delavoix. Et a
ladite Richard declare ne scavoir escire ny signe de ce enquis suivant lordonnance.