et Jeanne Burel
21 octobre 1667
Becquet notaire
cliquez ici pour voir copie de l'acte
france et tesmoins soussignes furent present en leurs personnes
Pierre de la voye veuf de deffunte Jacquet Grinon habitant dem't
Cap Rouge d'une part Et Jeanne Burel fille de Daniel Burel
et danne le Suisse ses pere et mere de la paroisse St Denys du
clair evesché de Rouen dautre part Lesquelles partyes en
la prsence des soussignez leurs amis communs et leurs
bon gres et volontes recognurent et confesserent avoir fait
par ensemble leurs traites et promesses de mariage qui ensuit.
Cest ascavoir que led. Pierre de la voye a promis et promet
prendre lad. Jeanne Burel par nom et loy de mariage
pour sa femme et leditime espouse come aussy lad. Jeanne
Burel promet prendre led. Pierre dela voye pour son
vary et leditime espoux Iceluy mariage faire et solemnizer
en face de notre mere Ste Eglise Catholique apostolique et
Romaine le plustot que faire se pourra et quil sera advisé
et deliberer entreux leurs dit parents et amys si dieu et
notre dite mere Ste Eglise sy consentent et accordent Pour
estre lesd. futurs conioins uns et communs en tous biens
meubles acquets et conquest immeubles au jour des espousailles
suivant la coustume de paris Ne seront tenus aux debts lun
de lautre faites et crees avant le futur mariage ains sy
aucunes y a seront payees et acquitées par celuy qui
les aura faites et crées et sur son bien. Sera douée la
future espouse de la somme de dexu cents livres tournois
de douaire prefix pour une foix payes Iceluy douaire
a prendres sur le plus clair des biens dudit futur
espoux quil en a des apresent charges et hypoteques
Et d'autant que du premier mariage dudit futur
espoux il y a quatre enfants restes en bas aage, a esté
accordé entre les partyes que lesd. enfants seront
nourries et entretenus aux depens dud. ...
jusqu'a a ce quils ... l'aage de quinze ans
Et a led. futur espoux pris sad. future espouse
avec tous ses droits nom, raisons, et actions quelle
a depresent et qui luy pourront eschoir tant par succession
donnation quaultrement. Car ainsy &ca Promettant et
obligeant &ca Renonceant &ca fait et passé a
Quebek estude desd. no'res le vingt et uni'e jour
doctobre gbsoix'te sept. Ety a lad future espouse
declare ne savoir escrire ny signer de ce interpellé
suiv't lordonnance. Et a led. futur espoux et amys
signé avec led no're.
p delavois
Jean duquet
Becquet no're Duquet no're